Ռուս զբոսաշրջիկները չեղարկում են ուղևորությունները Ադրբեջան
Հազարավոր ռուս զբոսաշրջիկներ չեղարկում են Ադրբեջան կատարվող ուղևորությունները իրենց հայրենակիցների ձերբակալությունների պատճառով վերջին երեք օրերի ընթացքում պահանջարկը նվազել է առնվազն 30%-ով, հաղորդում է Լenta.ru-ն։
Հրապարակման գնահատականների համաձայն՝ Ադրբեջանում ներկայումս կա 300-ից 500 ռուս, որոնք ժամանել են տուրօպերատորների միջոցով, ինչպես նաև 10-ից 15 հազար մարդ, որոնք ժամանել են ինքնուրույն։ Ինչպես նշում են տուրօպերատորները, ավելի ու ավելի շատ հաճախորդներ չեղարկում են Բաքու կատարվող ուղևորությունները և ընտրում են այլընտրանքային երթուղիներ՝ դեպի Վրաստան, Թուրքիա, ԱՄԷ կամ Ռուսաստանի շրջաններով։
ATOR-ը նշում է չվերթների հետ կապված խնդիրներ չկան, սահմանները բաց են, և բոլորը կարող են անվտանգ մեկնել։ Հունվարից մինչև ապրիլ Ադրբեջան է ժամանել մոտ 180 հազար Ռուսաստանի քաղաքացի։
Հիշեցնենք` Մոսկվայի և Բաքվի միջև հարաբերությունները վատթարացել են հունիսի 27-ին Եկատերինբուրգում ադրբեջանցիների մի շարք ձերբակալություններից հետո։ Ադրբեջանում Ռուսաստանի դեսպանատունը հայտնել է հանրապետությունում գտնվող ռուսներից բազմաթիվ խնդրանքների մասին։ Կան հաղորդագրություններ ռուս քաղաքացիների նկատմամբ ֆիզիկական բռնության կիրառման մասին, բողոքներ են ստացվում, այդ թվում՝ զբոսաշրջիկներից։
