Անձրևաջրերը լցվում են ներս ու վնասում խճանկարը. անմխիթար վիճակ Գառնիի տաճարում
Երեկ Գառնիի տաճարում էինք, գիդի ծառայություն էինք վարձել։ Ես վերջին անգամ, գիդի հետ, Գառնիում էի մոտ 5 տարի առաջ։ Այս մասին ֆեյսբուքյան իր էջում գրել է ակտիվիստ Էդուարդ Հայրումյանը:
«Էն ժամանակ բաղնիքի խճանկարն ինձ հիացրել էր, 5 տարի անց՝ երեկ, բաղնիքը գյուղի անխնամ բիսեդկա էր հիշեցնում, իսկ 3-րդ դարի խճանկարից, էս տեմպով երևի 2 տարուց էլ հետք անգամ չմնա։
Տարիներ շարունակ տանիքի չվերանորոգելու պատճառով անձրևաջրերը լցվում են ներս ու վնասում խճանկարը, որը հնարավորինս վերականգնվել էր 11 տարի առաջ։
Բաղնիքի ներսի երբեմնի լուսավորությունն այլևս անցյալում է, իսկ մուտքում քեզ դիմավորում է 2000-ականների «վետեռոկներից» մեկից բերված մի աթոռ։
Միայն մեր այնտեղ գտնվելու ընթացքում հաշվեցի մոտ 130 այցելու, մեկ հոգու մուտքի տոմսի արժեքը 1500 դրամ է՝ 130*1500=195.000 դրամ։ Միայն երեկվա 2 ժամի այցելուներից հավաքված այս գումարը հերիք է, որ փոխվեն այս լույսերը ու վերանորոգվի տանիքի անցքերը, բայց երևի այսօր դա կարևոր չէ»,- գրել է նա:
