Ռուսաստանը կշարունակի ռազմական գործողությունները․ Պեսկով
Սպիտակ տանը Վլադիմիր Զելենսկին ցույց է տվել դիվանագիտական կարողությունների լիակատար բացակայություն, հայտարարել է ՌԴ նախագահի մամուլի քարտուղար Դմիտրի Պեսկովը:
«Զելենսկու նման պահվածքը Սպիտակ տանը՝ առնվազն դիվանագիտական կարողությունների լիակատար բացակայության մասին էր վկայում։ Ավելին ասել պետք էլ չի, բոլորդ էլ ամեն ինչ շատ պարզ տեսաք։ Նրա պահվածքը ևս մեկ անգամ ապացուցեց Պուտինի ճշմարտացիությունը, շատ հարցերի շուրջ»,- ասել է Պեսկովը։
Պեսկովը նշել է նաև, որ Զելենսկին պատկերացում անգամ չունի, թե ինչ քայլեր է պետք ձեռնարկել՝ խաղաղության հասնելու համար։
«Եվրոպայի կողմից Ուկրաինայի ֆինանսավորման մակարդակի բարձրացումը պետք է ոչ թե խաղաղ ծրագրի, այլ ռազմական գործողություններն շարունակելու համար։ Ռուսաստանը շարունակում է երկխոսությունը ԱՄՆ-ի հետ հարաբերությունների կարգավորման հարցով։ Ինչպես հասկանում եմ դա շատերին դուր չի եկել»։
Պեսկովը հավելել է, որ Ռուսաստանը շարունակում է հատուկ ռազմական գործողությունը՝ իր նպատակներին հասնելու համար։
