Զախարովան Զելենսկու և Թրամփի միջև վիճաբանությունը համեմատել է «Շան սիրտը» ֆիլմի հետ

Ռուսաստանի ԱԳՆ պաշտոնական ներկայացուցիչ Մարիա Զախարովան ԱՄՆ նախագահ Դոնալդ Թրամփի և Վլադիմիր Զելենսկու միջև Սպիտակ տանը տեղի ունեցած վիճաբանությունը համեմատել է խորհրդային «Շան սիրտը» ֆիլմի տեսարանի հետ:

Իր տելեգրամյան ալիքում նա Միխայիլ Բուլգակովի համանուն պատմվածքի մոտիվներով ֆիլմից մի հատված է տեղադրել՝ գրելով․ «2025 թվականի փետրվարի 28, ԱՄՆ, Վաշինգտոն, Օվալաձև կաբինետ»։

Այդ դրվագում պրոֆեսոր Պրեոբրաժենսկին բժիշկ Բորմենտալի ներկայությամբ կշտամբում է Պոլիգրաֆ Շարիկովին. «Ձեր բոլոր գործողությունները գազանային են, և դուք համալսարանական կրթությամբ երկու մարդկանց ներկայությամբ թույլ եք տալիս Ձեզ տիեզերական մասշտաբի և տիեզերական հիմարության խորհուրդներ տալ այն մասին, թե ինչպես բաժանել ամեն ինչ»:

Թրամփի և Զելինսկու հանդիպումը տեղի է ունեցել փետրվարի 28-ին Վաշինգտոնում, այն վերաճել է լեզվակռվի: ԱՄՆ-ի և Ուկրաինայի միջև հազվագյուտ մետաղների վերաբերյալ գործարքի ստորագրումը չեղյալ է հայտարարվել, չնայած ամեն ինչ պատրաստ էր, և Զելենսկին ստիպված լքել է Սպիտակ տունը: Թրամփը հայտարարել է, որ Զելենսկու մոտ ցանկություն չի տեսնում կարգավորել Ռուսաստանի հետ հակամարտությունը։