«Այլևս ոչ մի աջակցություն». Ռոբերտ Ֆիցո
Սլովակիայի վարչապետ Ռոբերտ Ֆիցոն հայտարարել է, որ իր երկիրն այլևս ոչ մի աջակցություն չի ցուցաբերի Ուկրաինային՝ ո՛չ ֆինանսական, ո՛չ ռազմական։
««Խաղաղություն՝ ուժի միջոցով» ռազմավարությունը պատրանք է: Ուկրաինան երբեք այնքան ուժեղ չի լինի ռազմական ուժի դիրքերից բանակցելու համար: Մենք չենք ցանկանում այս հակամարտությունն ավելի բորբոքել»,- ասել է Ֆիցոն:
Նա առաջարկել է, որ մարտի 6-ին կայանալիք ԵՄ առաջնորդների հաջորդ գագաթնաժողովն օրակարգում ներառի զինադադարի անհրաժեշտությունը՝ անկախ նրանից, թե վերջնական խաղաղության համաձայնագիր ձեռք կբերվի, թե ոչ։
«Եթե Եվրախորհուրդն անտեսի համապարփակ պատերազմի դեմ հնչող ձայները, կարող է անհնարին լինել Ուկրաինայի հարցում ընդհանուր դիրքորոշման հասնելը»,- զգուշացրել է Ֆիցոն՝ ակնարկելով, որ Սլովակիան կարող է եվրոպական մակարդակով արգելափակել ապագա որոշումները։
