ԱՄՆ-ն և Ուկրաինան պայմանավորվել են
ԱՄՆ-ն ու Ուկրաինան պայմանավորվել են հանքային ռեսուրսների մասին գործարքի շուրջ, և այդ թեմայով բանակցություններն ավարտվել են։ Այս մասին հինգշաբթի օրը հայտարարել է ԱՄՆ ֆինանսների նախարար Սքոթ Բեսենտը։
«Գործարքը պատրաստ է: Նախագահ Վլադիմիր Զելենսկին վաղը կգա այն ստորագրելու, ուստի այլևս բանակցություններ չկան այս հարցի շուրջ: Վստահ եմ, որ նախագահ Զելենսկին և նախագահ Դոնալդ Թրամփը կքննարկեն հարցերի լայն շրջանակ, բայց ինչ վերաբերում է գործարքին, այն պատրաստ է»,- ասել է նա։
Իր խոսքով` սա գործարք է «ռազմավարական օգտակար հանածոների, նավթի և գազի, ինչպես նաև ենթակառուցվածքային ակտիվների վերաբերյալ», որը ձեռնտու կլինի և՛ Վաշինգտոնին, և՛ Կիևին։
Ամերիկացի առաջնորդն ավելի վաղ հաստատել էր, որ մտադիր է փետրվարի 28-ին Վլադիմիր Զելենսկու հետ համաձայնագիր ստորագրել Ուկրաինայում հազվագյուտ հողային տարրերի և այլ օգտակար հանածոների արդյունահանման վերաբերյալ։
