Դատարանը թույլ է տվել Թրամփին չշարունակել արտաքին օգնությունը
ԱՄՆ Գերագույն դատարանը թույլ է տվել նախագահ Դոնալդ Թրամփի վարչակազմին առայժմ չշարունակել վճարումները օտարերկրյա օգնության ծրագրերի շրջանակներում: Այս մասին հայտնել է Associated Press-ը։
«Դատարանը կասեցրել է շրջանային դատավորի որոշման կատարումը՝ մինչև կողմերի փաստարկներն ըստ էության քննարկելու»,- նշված է հայտարարության մեջ:
Հաղորդվում է, որ շրջանային դատարանը Թրամփի վարչակազմին ժամանակ է տվել մինչև ամսվա վերջ՝ վերսկսելու արտաքին օգնությունը։
Թրամփը հունվարի 20-ին՝ պաշտոնը ստանձնելուց հետո, գործադիր հրաման է ստորագրել 90 օրով դադարեցնելու արտաքին զարգացման օժանդակությունը՝ գնահատելու ծրագրերի համապատասխանությունը ԱՄՆ արտաքին քաղաքականությանը։
Որոշումը բողոքարկվել է դատարանում։
