Ռուբեն Վարդանյանի ինքնազգացողությունը վատացել է
Բաքվում ապօրինի պահվող Ռուբեն Վարդանյանի գործով շինծու դատավարության ժամանակ Վարդանյանի ինքնազգացողությունը վատացել է, նիստն ընդհատվել է, ապա բժշկական զննումից հետո վերսկսվել է։ Այս մասին հայտնում են ադրբեջանական լրատվամիջոցները։
Ռուբեն Վարդանյանը հրաժարվել է ցուցմունք տալ և պատասխանել որևէ հարցի։ Ինչպես տեղեկանում ենք տեղի լրատվամիջոցներից՝ դատարանի կազմը վիճարկելու մասին Վարդանյանի փաստաբանի միջնորդությունը անհիմն է ճանաչվել և մնացել առանց քննարկման։
Հաջորդ «դատական նիստը» նշանակված է մարտի 4-ին։
