Քրեական հետապնդում է հարուցվել գործող նախարարների նկատմամբ. Գալյան

Արդարադատության նախարար Սրբուհի Գալյանը ի պատասխան, «Պատիվ ունեմ» խմբակցության ղեկավար Հայկ Մամիջանյանի կատարած անդրադարձին՝ քրեական գործերով քաղաքական գործիչների կալանավորումների հետ կապված, ասել է.

«Նախարարության համար մտահոգիչ է որպես խափանման միջոց նշանակված կալանքների քանակական աճը, և այս խնդիրը մեր ուշադրության կենտրոնում է»։

Գալյանը նշել է, որ Մամիջանյանի մատնանշած անձանցից շատերը քրեական հետապնդման են ենթարկվում իրենց պաշտոնավարման ընթացքում կատարած պաշտոնեական լիազորությունների չարաշահման համար:

«Դժվար է պատկերացնել, որ այդ հետապնդումները կարող են քաղաքական բնույթ ունենալ: Հայաստանում միայն նախկին պաշտոնյաները չեն, որ քրեական հետապնդման են ենթարկվում․ «Այս կառավարության օրոք քրեական հետապնդում է հարուցվել գործող նախարարների և փոխնախարարների նկատմամբ»։ Ըստ Գալյանի՝ «խնդիրն անձ թիրախավորելը չէ, այլ՝ կոնկրետ երևույթները»,- ասել է նա։