Կտրամադրի արդյոք Ուկրաինան ԱՄՆ-ին հազվագյուտ մետաղներ
ԱՄՆ-ն և Ուկրաինան գտնվում են բնական ռեսուրսների համաձայնագրի շուրջ բանակցությունների եզրափակիչ փուլում: Այս մասին հայտնել է The New York Times-ը:
Փաստաթղթով նախատեսում է, որ Վաշինգտոնը կստանա բնական ռեսուրսներից Ուկրաինայի եկամուտների մի մասը։
«Փետրվարի 24-ին քննարկված համաձայնագրի տարբերակը, Ուկրաինայի համար ավելի շահավետ պայմաններ էր պարունակում, քան նախորդները, բայց չէր ներառում Կիևի պահանջած անվտանգային երաշխիքները», - նշել է թերթը:
Համաձայնագրից հանվել է բնական պաշարների, այդ թվում՝ նավթի, գազի և օգտակար հանածոների արդյունահանումից ստացված 500 մլրդ դոլարի եկամուտների փոխանցման պահանջը: Միևնույն ժամանակ, ըստ աղբյուրների, բանակցությունները շարունակվում են, և գործարքի պայմանները կարող են փոխվել:
Ավելի վաղ ԱՄՆ նախագահ Դոնալդ Թրամփը հայտարարել էր, որ Ուկրաինային տրամադրած ֆինանսական և ռազմական օգնության դիմաց Վաշինգտոնը Կիևից հազվագյուտ մետաղների մատակարարման երաշխիքներ է ակնկալում:
