Ռուսաստանի հետ տնտեսական գործարքներ կկնքվեն. Թրամփ

Ուկրաինայի ռեսուրսների վերաբերյալ գործարքը կստորագրվի «շատ շուտով»։ Այս մասին հայտնել է ԱՄՆ նախագահ Դոնալդ Թրամփը։

 Նա նաև հայտարարել է, որ ԱՄՆ-ն գործարքի շրջանակներում հետ կվերադարձնի Ուկրաինայի վրա ծախսված գումարը։

«Ես ընդգծեցի ԱՄՆ-ի և Ուկրաինայի միջև կենսական կարևորագույն հանքանյութերի և հազվագյուտ երկրային տարրերի համաձայնագրի կարևորությունը, որը հուսով ենք, որ կստորագրվի շատ շուտով: Այս գործարքը, որը «տնտեսական գործընկերություն» է, կապահովի, որ ամերիկացի ժողովուրդը վերադարձնի Ուկրաինա ուղարկած տասնյակ միլիարդավոր դոլարներն ու ռազմական տեխնիկան, և կօգնի Ուկրաինայի տնտեսության աճին, քանի որ այս դաժան ու վայրագ պատերազմը մոտենում է ավարտին»,- գրել է նա սոցցանցերում։

Նա նաև ասել է, որ ՌԴ նախագահ Վլադիմիր Պուտինի հետ բանակցություններ է վարում պատերազմի ավարտի և համատեղ տնտեսական նախագծերի շուրջ։

«Միևնույն ժամանակ, ես լուրջ բանակցություններ եմ վարում Ռուսաստանի նախագահ Վլադիմիր Պուտինի հետ պատերազմի ավարտի և տնտեսական զարգացման խոշոր գործարքների շուրջ, որոնք կկնքվեն Միացյալ Նահանգների և Ռուսաստանի միջև։ Բանակցությունները շատ լավ են ընթանում», - ասել է ԱՄՆ նախագահը։