Պուտինը դեմ չէ, որ Ուկրաինան գոյություն ունենա
ԱՄՆ նախագահ Դոնալդ Թրամփը, հորդորելով Ուկրաինայի իշխանություններին նախագահական ընտրություններ անցկացնել, փորձում է բարելավել երկրում իրավիճակը և պահպանել ուկրաինական պետականությունը, կարծում է ՌԴ նախագահ Վլադիմիր Պուտինը։
«Ներկայիս նախագահ Թրամփը (...) նրան (Ուկրաինայի նախագահ Վլադիմիր Զելենսկիին) մղում է ընտրությունների, ինչպես ինձ թվում է՝ նա (Թրամփը) փորձում է բարելավել Ուկրաինայում քաղաքական իրավիճակը, համախմբել հասարակությունը, պայմաններ ստեղծել ուկրաինական պետության գոյատևման համար»,- ասել է Պուտինը լրագրող Պավել Զարուբինին տված հարցազրույցում։
Պետության ղեկավարի խոսքով՝ «ընդհանուր առմամբ, դա ոչ այնքան Ռուսաստանին է ձեռնտու. մենք կոնֆլիկտ ունենք գործող (Կիևում) ռեժիմի հետ, որքան հենց Ուկրաինային»։
«Ի թիվս այլ բաների, ներկայիս նախագահը (ԱՄՆ) հայտարարել է, որ ցանկանում է հասնել խաղաղության, ի դեպ, մենք էլ ենք դա անում, և որքան հնարավոր է արագ: Ռեժիմի գործող ղեկավարը (Ուկրաինայում) կանգնած է նման նպատակների հասնելու ճանապարհին, և ԱՄՆ նախագահի դիրքորոշումը, կարծում եմ, կապ չունի նրա հետ, որ այն մեր շահերից է բխում։ Դա, ավելի շուտ, Ուկրաինայի և ուկրաինական պետության, ուկրաինական պետականության պահպանման շահերից է։ Եվ մենք դրա դեմ նույնպես ոչինչ չունենք»,- ընդգծել է Պուտինը։
