Ես չեմ ճանաչում և ոչինչ չգիտեմ այդ մարդու մասին. Զելենսկի

Ուկրաինայի նախագահ Վլադիմիր Զելենսկին հայտնել է, թե «ոչինչ չգիտի» ուկրաինական բանտում մահացած ամերիկացի լրագրող Գոնսալո Լիրայի մասին: Այս մասին գրում է РИА Новости–ն:

«Ես չեմ ճանաչում այս մարդուն և երբեք չեմ ճանաչել նրան: Չգիտեմ՝ նա հետախուզության մաս է, թե կապ ունի Ռուսաստանի հետ»,–- ասել է  նա մամուլի ասուլիսի ժամանակ։

2023 թվականի մայիսին ուկրաինական զինված ուժերի կողմից Խարկովի մարզում ձերբակալվել էր մի լրագրող՝ «ռուսական ագրեսիան արդարացնելու» և «սոցցանցերում ռուսամետ թեզեր տարածելու» կասկածանքով։

Ավելի ուշ նա գրավի դիմաց ազատ էր արձակվել, սակայն հուլիսին կրկին ձերբակալվել էր երկիրը լքելու փորձի ժամանակ։

Նույն տարվա վերջին հայտնի դարձավ, որ լրագրողը մահացել է ուկրաինական բանտում։

Ավելի վաղ Կառավարության արդյունավետության դեպարտամենտի (DOGE) ղեկավար, ամերիկացի ձեռնարկատեր Իլոն Մասկը հայտարարել էր, որ Զելենսկին չպետք է սպաներ ամերիկացի լրագրող և բլոգեր Գոնսալո Լիրային։ Մինչ այս Մասկը հայտարարել էր, որ Զելենսկին անձամբ է մեղավոր Լիրայի սպանության մեջ։