ԱՄՆ բանագնացը Ուկրաինա է մեկնում գնացքով
Ուկրաինայի և Ռուսաստանի հարցերով ԱՄՆ նախագահի հատուկ բանագնաց Քիթ Քելլոգը փետրվարի 19-ի առավոտյան կժամանի Կիև։
«Ես գնացքով մեկնում եմ այսօր երեկոյան և կհասնեմ (Կիև) չորեքշաբթի առավոտյան», - ասել է նա Վարշավա կատարած այցի ժամանակ։ Նրա ելույթը հեռարձակվել է ամերիկյան լրատվական ալիքներով։
Ավելի վաղ Զելենսկին հայտնել էր, որ Քելլոգը փետրվարի 20-22-ը կայցելի Ուկրաինա։
Քելլոգը Բրյուսելում էր փետրվարի 17-18-ը։ Նա հանդիպումներ է ունեցել ՆԱՏՕ-ի գլխավոր քարտուղար Մարկ Ռյուտեի, Եվրահանձնաժողովի և Եվրոպական խորհրդի նախագահներ Ուրսուլա ֆոն դեր Լյայենի և Անտոնիո Կոստայի հետ։ Փետրվարի 18-ին Վարշավայում Քելլոգը հանդիպել է Լեհաստանի նախագահ Անջեյ Դուդայի հետ։
