ՏԵՍԱՆՅՈՒԹ. «Այաքսի» երկրպագուները հարձակվել են իսրայելցի ֆուտբոլասերների վրա. կան տուժածներ. Ամստերդամ

Ամստերդամում մի շարք հարձակումներ են տեղի ունեցել իսրայելական «Մաքաբի» ֆուտբոլային ակումբի երկրպագուների նկատմամբ, հայտնում է Ynet պորտալը։

Թել Ավիվի «Մաքաբին» հինգշաբթի Ամստերդամում հանդիպում է անցկացրել տեղի «Այաքսի» հետ և պարտվել 5։0 հաշվով։

Սոցիալական ցանցերում հրապարակված մի քանի տեսանյութերում երևում է, որ դիմակավորված անձինք փորձում են ներխուժել հյուրանոցներ, որտեղ իսրայելցիներն են եղել: Պորտալի տվյալներով՝ բախումներ են տեղի ունեցել քաղաքի մի քանի վայրերում։ Ընդհանուր առմամբ, մոտ 10 իսրայելցի տուժել է:

Իսրայելի ԱԳՆ-ն իր քաղաքացիներին կոչ է արել չլքել Ամստերդամի իրենց հյուրանոցները։

Ըստ պորտալի՝ Բենիամին Նեթանյահուն կարգադրել է շտապ ուղարկել երկու փրկարար ինքնաթիռ՝ Ամստերդամում գտնվող իսրայելցիներին օգնելու համար։

AT5 պարբերականը գրում է, որ ակումբների երկրպագուների միջև խաղի ընթացքում ծեծկռտուք է սկսվել։ Ըստ պարբերականի լրագրողների՝ ծեծկռտուքը կապված է Մերձավոր Արևելքում տեղի ունեցող իրադարձությունների շուրջ տարաձայնությունների հետ։ Տեղական լրատվամիջոցների փոխանցմամբ՝ ծեծկռտուքի պատճառ կարող էր լինել իսրայելցի երկրպագուների կողմից Պաղեստինի դրոշի հետ անզգույշ վարվելը։