Լավրովը նշել է, թե Ուկրաինայի հարձակումը Կուրսկի վրա ինչ նպատակ է ունեցել
Ռուսաստանի արտգործնախարար Սերգեյ Լավրովը RT-ի «Կամուրջներ դեպի արևելք» հաղորդմանը տված հարցազրույցում ասել է, որ ուկրաինացի զինվորականները հարձակվել են Կուրսկի շրջանի վրա գերիներ տանելու համար, ինչը Զելենսկին ինքն է խոստովանել:
«Բայց այն, ինչ հիմա քննարկում են քաղաքագետները, և այն, ինչ նույնիսկ Զելենսկին է ասում, երբեմն, ըստ Ֆրոյդի, ակամա խոստովանություն է ստացվում: Նա ասել է, որ դա անհրաժեշտ կլինի հետագա փոխանակումների համար։ «Եվ գերիներ կտանեմ, և քառակուսի կիլոմետրեր կզավթեմ»: Բավականին պարզամիտ, միամիտ», - նշել է Լավրովը։
Նախարարնառանձին նշել է, որ Կուրսկի մարզի վրա հարձակվածների թվում կան շատ վարձկաններ, հնարավոր է`օտարերկրյա պետությունների կադրային զինվորականներ։
«Այնտեղ արձանագրվել է նաև օտարերկրյա խոսք», - նշել է նախարարը։
Ավելի վաղ հաղորդվել է, որ ռուսական հատուկ ստորաբաժանումները մանրակրիկտ տվյալներ են հավաքում ուկրաինացի վարձկանների մասին։
Հիշեցնենք` օգոստոսի 6-ին՝ առավոտյան ժամը 5: 30-ին, Ուկրաինայի զինված ուժերի շուրջ հազար հոգանոց խմբավորումն անցել է հարձակման` նպատակ ունենալով տարածքներ գրավել Կուրսկի մարզում։ Ուկրաինական զինուժի առաջխաղացումը դեպի ՌԴ տարածքի խորքը կասեցվել է։ ՌԴ ԶՈւ գլխավոր շտաբի պետը նշել էր, որ Կուրսկի մարզում գործողությունը կավարտվի, երբ հակառակորդը կկջախջախվի, իսկ ռուսական զորքը դուրս կգա ՌԴ պետական սահման։
Ռուսաստանի նախագահ Վլադիմիր Պուտինը, մեկնաբանելով Կուրսկի մարզում տիրող իրավիճակը, հայտարարել է, որ Կիևի ռեժիմը հերթական լայնածավալ սադրանքն է ձեռնարկել, անկանոն կրակոցներ է արձակում, այդ թվում՝ քաղաքացիական թիրախների ուղղությամբ: ՌԴ նախագահը վստահեցրել է, որ հակառակորդն արժանի պատասխան կստանա, Ռուսաստանի զինված ուժերի առջև դրված բոլոր նպատակներին կհասնեն:
Կուրսկի, ինչպես նաև Բելգորոդի և Բրյանսկի մարզերում քաղաքացիների անվտանգությունն ապահովելու համար հակաահաբեկչական գործողության ռեժիմ է սահմանվել։
