ԱՄՆ բյուջեի դեֆիցիտը Բայդենի օրոք հասել է ռեկորդային մակարդակի
Ջո Բայդենի նախագահության տարիներին ԱՄՆ բյուջեի դեֆիցիտի ծավալը հասել է առավելագույնի այս ցուցանիշի դիտարկման ողջ ժամանակահատվածում՝ 6,6 տրլն դոլար։ Այս մասին հայտնում է ՌԻԱ Նովոստին՝ ուսումնասիրելով ամերիկյան ֆինանսների նախարարության տվյալները։
Նշվում է, որ Բայդենի օրոք ամերիկյան կառավարության ծախսերը ավելի քան երեքուկես տարի գերազանցել են եկամուտը 6,6 տրիլիոն դոլարով, ինչը առավելագույնն է այս վիճակագրության ողջ պատմության ընթացքում։
Այսպիսով, 2021 թվականին այդ ցուցանիշը կազմել է 2,8 տրիլիոն դոլար, մինչդեռ այն կազմում էր ՀՆԱ-ի 13%-ը։
Հաջորդ տարի բացասական մնացորդը նվազել է մինչև $1,4 տրլն կամ ՀՆԱ-ի 6,3%-ը, սակայն հետո, հակառակը, աճել է մինչև $1,7 տրլն կամ ՀՆԱ-ի 7,6%-ը։
Ընթացիկ տարվա վեց ամիսներին այն կազմել է 758,2 մլրդ դոլար, իսկ ՀՆԱ-ի մասնաբաժինը ընթացիկ տարվա կտրվածքով կազմել է 5,5%:
Բայդենի նախորդը՝ Դոնալդ Թրամփը, ընդհանուր առմամբ 5,6 տրիլիոն դոլարի դեֆիցիտ էր կուտակել։ Նրա օրոք` 2020-ի կորոնավիրուսային տարում տարեկան բյուջեի առավելագույն դեֆիցիտը 3,1 տրիլիոն դոլար էր կամ ՀՆԱ-ի 15,5%-ը։
Բարաք Օբաման դարձավ այս դարում միակ ամերիկացի առաջնորդը, ում հաջողվեց իր նախագահության արդյունքներով կրճատել ԱՄՆ բյուջեի դեֆիցիտը` Ջորջ Բուշ կրտսերի 5,1 տրիլիոն դոլարից մինչև 2,2 տրլն դոլար:
Նշենք, որ Միացյալ Նահանգները գրեթե մեկ դար գտնվում է եկամուտների նկատմամբ ծախսերի խրոնիկ գերազանցման վիճակում։
