Իսրայելում ցուցարարները պահանջում են Նեթանյահուի հրաժարականը
Թել Ավիվի կենտրոնում Իսրայելի վարչապետ Բենիամին Նեթանյահուի հրաժարականի և Գազայի հատվածից պատանդների վերադարձի պահանջով ցուցարարների բողոքի ակցիան է ընթանում, հայտնում է «ՌԻԱ Նովոստի»-ի թղթակիցը։
Բողոքի ակցիաները տեղի են ունենում քաղաքի կենտրոնում՝ կառավարության շենքային համալիրի հարևանությամբ գտնվող Կապլան փողոցում։ Վերջին շաբաթներին սովորական դարձած միջոցառումը համախմբել էր տարբեր տարիքի մարդկանց։ Նրանք կրում են իսրայելական դրոշներ և պաստառներ, որոնցով պահանջում են Նեթանյահուի հրաժարականը և կոչ են անում ազատ արձակել պատանդներին:
«Մենք ցանկանում ենք, որ բոլոր պատանդներն ու զինվորները վերադառնան, որպեսզի պատերազմն ավարտվի», - ասել է ցուցարարներից մեկը:
