ՀԴԲ-ն խուզարկել է ռուսական Առաջին ալիքի հաղորդավարի կալվածքը

Հետաքննությունների դաշնային բյուրոյի (ՀԴԲ) գործակալները խուզարկել են Պատրիա կալվածքը, որը պատկանում է ամերիկացի քաղաքագետ և ռուսական Առաջին ալիքի հաղորդավար Դմիտրի Սայմսին: Այս մասին գրում է РБК-ն։

 Սայմսն ասել է, որ ինքը երկրում չէ, սակայն գիտի, որ «իր սեփականության վրա ինչ-որ գործողություններ են կատարվում», միևնույն ժամանակ նա նշել է, թե հստակ չգիտի, թե ինչ է կատարվում այնտեղ»:

 Դմիտրի Սայմսը The National Interest ամսագրի հրատարակիչն է և Ազգային շահերի ամերիկյան կենտրոնի նախկին նախագահը: 2018 թվականից ռուսական Առաջին ալիքով վարում է «Մեծ խաղ» հաղորդումը։ 2023 թվականին քաղաքագետը վարել է Վլադիմիր Պուտինի մասնակցությամբ Սանկտ Պետերբուրգի միջազգային տնտեսական ֆորումի լիագումար նիստը։