Զելենսկին առաջին անգամ հաստատել է Ուկրաինայի զինված ուժերի ներկայությունը Կուրսկի շրջանում
Ուկրաինայի նախագահ Վլադիմիր Զելենսկին պաշտոնապես հաստատել է, որ Ուկրաինայի զինված ուժերը գործողություն են իրականացնում Ռուսաստանի Կուրսկի շրջանում։ Այս մասին նա հայտնել է իր Telegram ալիքում։
Նրա խոսքով՝ օգոստոսի 12-ին, տեղի է ունեցել Գերագույն գլխավոր հրամանատարի շտաբի նիստ։ Հանդիպման ընթացքում Ուկրաինայի Զինված ուժերի գլխավոր հրամանատար Ալեքսանդր Սիրսկուց զեկույց է լսվել Ռուսաստանի Կուրսկի շրջանում ուկրաինական հատուկ գործողության մարտիկների կողմից գործողության անցկացման մասին։
«Մենք երախտապարտ ենք բոլոր զինվորներին և հրամանատարներին իրենց տոկունության և վճռական գործողությունների համար, ի թիվս այլ բաների, մենք հանձնարարել ենք ՆԳ նախարարին և Ուկրաինայի անվտանգության ծառայության մյուս պաշտոնյաներին պատրաստել մարդասիրական ծրագիր այն տարածքի համար, որտեղ տեղի է ունենում գործողությունը», – ասել է Զելենսկին:
