ՏԵՍԱՆՅՈՒԹ. Թրամփը առաջին հրապարակումն է արել X-ում 2023 թ.-ի օգոստոսից հետո
Հանրապետական կուսակցությունից ԱՄՆ նախագահի թեկնածու Դոնալդ Թրամփը X սոցիալական ցանցում (նախկինում՝ Twitter) հրապարակել է քարոզարշավի տեսանյութ։ Սա Թրամփի առաջին հրապարակումն է X-ում 2023 թվականի օգոստոսից ի վեր։ Այս մասին գրում է Kommersant.ru- ն։
2021 թվականի հունվարին՝ ԱՄՆ Կապիտոլիումի գրավումից հետո, Դոնալդ Թրամփի Twitter-ի էջը արգելափակվեց բռնության կոչերի պատճառով։ 2022 թվականի նոյեմբերին, երբ սոցցանցը գնեց միլիարդատեր Իլոն Մասկը, քաղաքական գործչին վերադարձվեց իր էջի հասանելիությունը։ Դրանից հետո Դոնալդ Թրամփը կատարել էր ընդամենը մեկ գրառում՝ բանտային լուսանկար, որն արվել է ընտրություններին միջամտելու գործով ձերբակալության պաշտոնական ընթացակարգի ժամանակ։
