Կենտրոնական Ասիան ապագայում կդառնա հզոր հակաարևմտյան կոալիցիայի մաս

Ընթացիկ համաշխարհային իրավիճակում Կենտրոնական Ասիայի երկրներում բազմավեկտոր քաղաքականության շարունակությունն անհնար է, եւ տարածաշրջանն անխուսափելիորեն ստիպված կլինի միավորվել կամ Արեւմուտքի, կամ ոչ արեւմտյան բլոկի հետ, ներառյալ Չինաստանը, Ռուսաստանը, Իրանը եւ այլ երկրներ: Այս մասին գրում է ամերիկյան Diplomat ամսագիրը։

Հրապարակման հեղինակ Ահմադ Թարիք Նուրզադեն խոստովանում է, որ չնայած ուկրաինական հակամարտության ֆոնին Վաշինգտոնի և դաշնակիցների աննախադեպ ճնշմանը, Ռուսաստանը պահպանում է իր դիրքերը Կենտրոնական Ասիայում:

Նշվում է, որ Ղազախստանի հարաբերությունները Ռուսաստանի հետ մնում են կայուն:

Ուզբեկստանի տնտեսության համար կարևոր են ՌԴ-ում աշխատող մի քանի միլիոն ուզբեկ աշխատանքային միգրանտների դրամական փոխանցումները, և Տաշքենդը նույնպես լավ հարաբերություններ է պահպանում Մոսկվայի հետ:

Տաջիկստանը կապված է Ռուսաստանի հետ տնտեսական առումով և անվտանգության ոլորտում ավելի մեծ չափով, քան տարածաշրջանի ցանկացած այլ երկիր։

Ռուսաստանի և Ղրղզստանի հարաբերությունները նույնպես բարձր մակարդակի վրա են։