Իսրայելական հարվածի հետևանքով սպանվել է ՀԱՄԱՍ-ի ևս մեկ հրամանատար
Իսրայելական ԱԹՍ-ն հարվածել է մեքենային, որը մուտք էր գործում Լիբանանի հարավում գտնվող Սայիդ քաղաքի պաղեստինյան Էին-էլ-Հելվե ճամբար։
ՀԱՄԱՍ-ը հայտարարել է՝ հրամանատարի սպանությունից հետո բողոքի ցույցեր են առաջացել Լիբանանում պաղեստինցի փախստականների ամենամեծ ճամբարում:
Իսրայելի պաշտպանության բանակն էլ իր հայտարարության մեջ հաստատել է հարձակման փաստը՝ ասելով, թե Ալ Հաջը պատասխանատու է ահաբեկչությունների նախապատրաստման և Լիբանանից իսրայելական տարածքի ուղղությամբ արկեր արձակելու համար։
