Արցախցի Արամ Երիցյանին կալանավորելու միջնորդությունը կրկին մերժվեց
Պարեկների կողմից ծեծի ենթարկված Արամ Երիցյանին կալանավորելու միջնորդությունը կրկին մերժվեց։ Այդ մասին հայտնում է փաստաբան Ռոման Երիցյանը։
«Ի՞նչ ասեմ։ Սպասենք հաջորդին»,- գրել է նա։ Հիշեցնենք՝ Արամ Երիցյանին այսօր կրկին ձերբակալել էին, դատարանը կրկին քննարկում էր խափանման միջոցի հարցը:
Նշենք, ավելի վաղ մերժվել էր քննիչի կողմից ներկայացված՝ Արամ Երիցյանին կալանավորելու վերաբերյալ նույնաբովանդակ միջնորդությունը, ինչպես նաև ոչ իրավաչափ ճանաչել Արամ Երիցյանի եռօրյա ձերբակալումը։ Արամ Երիցյանի և պարեկների միջև տեղի ունեցած միջադեպով քրեական վարույթ է նախաձեռնվել:
