Քամալա Հարիսը սխալվել է` իրեն անվանելով ԱՄՆ նախագահ
ԱՄՆ փոխնախագահ Քամալա Հարիսը, սխալմունքով իրեն նախագահ է անվանել դեմոկրատական կուսակցության ներկայացուցիչ Շեյլա Ջեքսոն Լիի հուղարկավորության ժամանակ հոգեհանգստի խոսքն ասելիս:
Հարիսը հիշեցրել է, որ հանգուցյալ Ջեքսոն Լին օրինագծի նախաձեռնողն էր, որի շնորհիվ ԱՄՆ-ի ստրուկների ազատագրման օրը պետական տոն էր ճանաչվել:
«Որպես Միացյալ Նահանգների սենատոր՝ ես հպարտությամբ հանդես եկա որպես դրա համահեղինակ։ Եվ հետո, լինելով նախագահ...փոխնախագահ»,- նա սխալվել է Ջեքսոն Լիի հուղարկավորության ժամանակ, որը հեռարձակվել է FoxNews հեռուստաալիքով։
Ընդ որում՝ հանդիսատեսը բղավոցներով ու ծափահարություններով է ուղեկցել Հարիսի արած «սխալ» արտահայտությունը։
Հարիսը հուլիսի 25-ին հայտնել է, որ մասնակցելու է 2024 թվականի նոյեմբերին կայանալիք նախագահական ընտրություններին այն բանից հետո, երբ ԱՄՆ գործող առաջնորդ Ջո Բայդենը հրաժարվել է մասնակցել նախընտրական մրցավազքին և պաշտպանել է փոխնախագահի առաջադրումը որպես դեմոկրատական կուսակցությունից պետության ղեկավարի թեկնածու:
