Պեսկովը` Թրամփի դեմ մահափորձի մասին

ԱՄՆ-ի նախկին նախագահ Դոնալդ Թրամփի օրոք ռուս-ամերիկյան հարաբերությունները դեռ չեն խորտակվել: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Երբ փորձում են սպանել մեկ այլ մարդու, հատկապես ԱՄՆ նախկին նախագահին, ում հետ նա (ՌԴ նախագահ Վլադիմիր Պուտինը), ի դեպ, շփումներ է ունեցել, քանի որ մեր նախագահներն այն ժամանակ շփվել են։ Ռուս-ամերիկյան հարաբերությունները չեն խորտակվել»,- ասել է Պեսկովը «Կոմսոմոլսկայա պրավդա» ռադիոկայանին տված հարցազրույցում:

Նախկին նախագահի դեմ մահափորձը տեղի է ունեցել հուլիսի 13-ին Փենսիլվանիայում նրա նախընտրական ելույթի ժամանակ, Թրամփը վիրավորվել է ականջից, մահացել է հանդիսատեսներից մեկը, եւս երկուսը կրիտիկական վնասվածքներ են ստացել: ԱՄՆ-ի գաղտնի ծառայությունը հայտնել է, որ ոչնչացրել է կասկածյալին, որը մի քանի անգամ կրակել է բեմի ուղղությամբ: Նա թաքնվել էր արտադրական շենքի տանիքում՝ բեմից մոտ 100 մետր հեռավորության վրա, այն տարածքից դուրս, որտեղ անցկացվում էր միջոցառումը։

ԱՄՆ-ի ներքին անվտանգության նախարարությունը հուլիսի 17-ին հայտարարել է, որ իր նախընտրական հանրահավաքի ժամանակ Թրամփի թիկնազորն ապահովելու համար գաղտնի ծառայության աշխատանքի հետաքննություն կանցկացնի: ՀԴԲ-ն հետաքննում է միջադեպը որպես մահափորձ և հնարավոր ներքին ահաբեկչություն: Բյուրոյի տվյալներով՝ կասկածյալը 20-ամյա Թոմաս Մեթյու Քրուքսն է։