Իսրայելում զանգվածային բողոքի նոր ալիք է սկսվել՝ ցուցարարները պաղեստինցի արմատականներից պահանջում են անհապաղ ազատ արձակել պատանդներին Գազայի հատվածում և Իսրայելում արտահերթ ընտրություններ անցկացնել։

Նախարարների կաբինետի հրաժարականի պահանջով ամենախոշոր ցույցը սկսվել է Թել Ավիվում՝ քաղաքի արևելքում գտնվող կառավարական շենքերի համալիրի տարածքում: 

Հանրահավաքի մասնակիցներից շատերի ձեռքում եղել են Գազայում մնացած պատանդների լուսանկարները: Որոշ ցուցարարներ պահանջում են Իսրայելի կառավարությունից համաձայնության գալ արմատական ​​պաղեստինյան ՀԱՄԱՍ շարժման հետ՝ առևանգվածներին շուտափույթ վերադարձնելու համար։ Բացի այդ, ցուցարարները կրկին հանդես են գալիս երկրում արտահերթ ընտրությունների անցկացման օգտին։

Նաեւ բախումներ են եղել ոստիկանության հետ: Կիրառվել է բիրտ ուժ, ոստիկանությունն իրականացրել ձերբակալություններ։