ՏԵՍԱՆՅՈՒԹ․ Ճանապարհային նշանը տեղադրված է ոչ տեսանելի վայրում․ պարեկները պնդում էին՝ մտել են փակ փողոց
Auroranews-ն ահազանգեր է ստանում վարորդներից, որ Հրազդանի կիրճում երեկ պարեկները բոլոր վարորդներին պնդում էին, թե մտել են փակ փողոց։ Մեզ ուղարկված տեսանյութում երևում է, որ ճանապարհային նշանը տեղադրված է ոչ տեսանելի վայրում։
«Երեկ Հրազդանի կիրճում բոլոր մեքենաներին պարեկներն ապացուցում էին, որ մտել են փակ փողոց։ Ձեզ եմ ուղարկել կադրերը, որն ապացուցում է արդեն վաղուց մշակույթ դառած «նշանները ծառերի ետևում պահելու սովորությունը»։ Ստացվում է՝ նշանը տեղադրվում է այլ կազմակերպությունների կողմից, իսկ տուգանում են պարեկները։ Խնդրում եմ հիշեցրեք, որ օրենքով ճանապարհային նշանները տեղադրվում են ճանապարի աջ հատվածում պարզ տեսանելի հատվածում։ Եթե այս ավանդույթը չդադարեցնեն ես խոստանում եմ օրը 10֊ից 20 նման կադրերի հրապարակում»,- նշում է վարորդը։
Auroranews-ը փորձում է մեկնաբանություն ստանալ Քաղաքապետարանից։
