Քաղաքապետարանի պարզաբանումը՝ ճանապարհային նշանի ոչ տեսանելի վայրում տեղադրված լինելու մասին
Auroranews-ը կապ հաստատեց քաղաքապետարան՝ Հրազդանի կիրճում ճանապարհային նշանի ոչ տեսանելի վայրում տեղադրված լինելու վերաբերյալ։
Ավելի վաղ հայտնել էինք, որ Auroranews-ն ահազանգեր է ստանում վարորդներից, որ Հրազդանի կիրճում երեկ պարեկները բոլոր վարորդներին պնդում էին, թե մտել են փակ փողոց։ Մեզ ուղարկված տեսանյութում երևում է, որ ճանապարհային նշանը տեղադրված է ոչ տեսանելի վայրում։
Քաղաքապետարանից նշեցին, որ վերջին շրջանում տեղումների հետևանքով քաղաքում հատվածներ կան, որտեղ ծառեր կան տապալված։
«Առաջնահերթ այս աշխատանքները կարվեն։ Շաբաթվա ընթացքում նաև այդ հատվածի նշանը փակող ճյուղերը կկտրեն։ Ենթադրաբար 2-3 օրվա ընթացքում այդ ախտատանքներն արված կլինեն»,- նշեցին մեզ հետ զրույցում։
