ՏԵՍԱՆՅՈՒԹ. Պեկինում մեկնարկել է Պուտին– Ծինփին հանդիպումը
Ռուսաստանի նախագահ Վլադիմիր Պուտինը ժամանել է Պեկին: Նշենք, որ Պուտինը պետական այցով այժմ գտնվում է Չինաստան: Սա նրա առաջին արտասահմանյան այցն է Ռուսաստանի նախագահի պաշտոնը ստանձնելուց հետո:
Դիմավորման արարողությունը տեղի է ունենում Ժողովրդական տան հրապարակում։ Այս շենքում տեղի են ունենում Չինաստանի Կոմունիստական կուսակցության համագումարներ, խոշոր պաշտոնական միջոցառումներ, հանդիպումներ և կոնֆերանսներ, ինչպես նաև օտարերկրյա պետությունների ղեկավարների ընդունելություններ:
Ռուսաստանի նախագահին դիմավորել է Չինաստանի Ժողովրդական Հանրապետության նախագահը։ Պուտինն ու Սի Ծինփինը սեղմել են ձեռքերը, ապա ողջունել երկու երկրների պատվիրակությունների յուրաքանչյուր անդամին։
Առաջնորդներին դիմավորել են թնդանոթային կրակոցներով, արարողությանը մասնակցել է պատվո պահակախումբը։ Պետությունների ղեկավարները դիտել են պատվավոր գնդի և զինվորական նվագախմբի անցումը։
Այնուհետեւ սպասվում են Պուտինի ու Սի Ծինփինի բանակցությունները:
