ՏԵՍԱՆՅՈՒԹ․ Մոլդովական փողոցի փոսը լուրջ խնդիր է առաջացրել երթևեկության համար․ վարորդներն են ահազանգում
Մայիսի 10-ին, ուրբաթ օրը, Նոր նորքի 2-րդ զանգվածի Մոլդովական փողոցում շինաշխատանքներ են իրականացվել: Ըստ այս պահին առկա տեղեկությունների, ջրատար խողովակի խնդիր կար։ Հարցը լուծվել է, սակայն փորված փոսը ծածկվել է հողով ու խճաքարով (щебень): Auroranews-ին ահազանգած վարորդները նշում են, որ փոսի հետևանքով այդ հատվածում երթևեկության լուրջ խնդիր է առաջացել։
Ավելի վաղ Auroranews-ը կապ էր հաստատել Երևանի քաղաքապետերանի համապատասխան բաժնի հետ՝ պարզելու՝ ո՞ր ընկերությունն է պատասխանատու վերջնական ասֆալտապատման համար և ինչ ժամկետներում: Քաղաքապետարանից փոխանցել են, որ նման փոսերի դեպքում խելամիտ ժամկետը 72 ժամն է, որը սակայն չի ներառում հանգստայն օրերը, և կարևորն են նաև եղանակային պայմանները:
Ինչպես երևում է երկրորդ տեսանյութում, որն արվել է այսօր առավոտյան՝ գիշերը տեղացած անձրևը քշել տարել է և՛ խճաքարը, և՛, ինչ որ չափով, հողային զանգվածը: Այսպիսով խորը փոս է գոյացել:
