ՏԵՍԱՆՅՈՒԹ. Քանի ժամ է` հարսը սպասում է. տավուշցիները ճանապարհը չբացեցին նշանդրեքի գնացողների համար

Տավուշի մարզի բնակիչները Վրաստան տանող ճանապարհը չբացեցին անգամ նշանդրեքի գնացողների համար։ Sputnik Արմենիայի տեսանյութում երևում է, թե ինչպես են նրանք ոտքով անցնում այդ հատվածը։

Նշանդրեքի գնացողներն ասացին, որ Նոյեմբերյանից են գալիս, արդեն քանի ժամ է` հարսը սպասում է իրենց։

Հարցին, թե միանում են տավուշցիների պահանջին, նրանցից մեկը հակիրճ պատասխան տվեց. «Իհարկե»։

Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը կձևակերպվի համապատասխան արձանագրություն-նկարագրությամբ