Իլոն Մասկին պատկանող X սոցիալական ցանցը նախատեսում է SmartTV-իի հավելված գործարկել
Ամերիկացի ձեռներեց և միլիարդատեր Իլոն Մասկին պատկանող X սոցիալական ցանցը պլանավորում է հաջորդ շաբաթ SmartTV-ի համար հավելված գործարկել, որի ֆունկցիոնալությունը նման կլինի YouTube հավելվածին:
Այս մասին հայտնում է Fortune ամսագիրը՝ հղում անելով աղբյուրներին։
«Փորձելով մրցակցել YouTube-ի հետ և կրկին ստեղծել իրեն որպես վիդեո հարթակ, Իլոն Մասկի X ընկերությունը թողարկում է հեռուստատեսային հավելված Amazon և Samsung SmartTV-ների համար։ Ընկերությունը պլանավորում է հավելվածը գործարկել հաջորդ շաբաթ։ Այն «նույնական» է թվում YouTube-ի TV հավելվածին»,- գրում է կայքը։
Մասկը, X սոցիալական ցանցում ասել է, ընկերությունը ձգտում է նրան, որ մարդկանց հնարավորություն տրվի դիտելու երկարաժամկետ տեսանյութեր մեծ էկրանին։
Հեռուստատեսային հավելվածի գործարկումը եւս մեկ քայլ կլինի Մասկի ծրագրում՝ ավելի շատ գովազդատուների և հայտնի բլոգերների X-ում ներգրավելու համար:
