Ուկրաինայի դատարանը 12 տարի ազատազրկման է դատապարտել բլոգեր Յուրի Պոդոլյակային
Ուկրաինայի դատարանը՝ հեռակա կարգով, 12 տարի ազատազրկման է դատապարտել ռուսամետ բլոգեր Յուրի Պոդոլյակային:
Մարզային դատախազության տվյալներով ՝ Պոդոլյակային մեղավոր են ճանաչել «ագրեսոր պետության» հետ համագործակցությամբ տեղեկատվություն տարածելու, ինչպես նաև Ուկրաինայի դեմ ռուսական ագրեսիան արդարացնելու մեջ։
Դատախազության հաղորդագրության մեջ նշվում է, որ Պոդոլյական Ռուսաստան տեղափոխվելուց հետո սկսել է հակաուկրաինական գործունեություն ծավալել: Սումիի մարզում դատարանն առգրավել է բլոգերի ունեցվածքը և նրան զրկել 15 տարի մի շարք պաշտոններ զբաղեցնելու իրավունքից:
Պոդոլյական ծնվել է Սումի քաղաքում և Ռուսաստան է տեղափոխվել 2014 թվականին։ Նա ակտիվորեն վերլուծություններ է ներկայացնում Ուկրաինայի հետ պատերազմում Ռուսաստանի գործողությունների մասին:
