ՏԵՍԱՆՅՈՒԹ. «Ուղարկված մարդասիրական բեռի պարունակությունը համաձայնեցվել է ԼՂ-ի հետ». Զախարովա
Ռուսաստանից Լեռնային Ղարաբաղ ուղարկված մարդասիրական բեռի պարունակությունը համաձայնեցվել է Լեռնային Ղարաբաղի ներկայացուցիչների հետ: Այս մասին ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ բեռնատարում հենց այն է եղել, ինչ պետք է մարդկանց, ինչի մասին նրանք խոսել են։ Զախարովան ՌԴ այս քայլը անվանել է «օգնության ձեռք» տարածաշրջանի ժողովրդին։
Զախարովան անթույլատրելի և ամոթալի է համարել բեռի պարունակության վերաբերյալ նվաստացուցիչ հրապարակումները:
«Պետք է ամաչեն նրանք, ովքեր այդպես են որոշել արձագանքել անկեղծ և չափազանց ժամանակին արված ժեստին», - հավելել է նա։
Ավելի վաղ սոցցանցերի հայկական տիրույթում գրել էին, թե իբր ռուսական վերմակներ են ուղարկվել ԼՂ։
