Մոսկվայից թռչող ինքնաթիռը հարկադիր վայրէջք է կատարել՝ ուղևորի առողջական վիճակի վատթարացման պատճառով
Մոսկվա-Միներալնիե Վոդի չվերթն իրականացնող ինքնաթիռը տագնապի ազդանշան է տվել և շտապ վայրէջք կատարել Վոլգոգրադում։ Այս մասին տեղեկանում ենք ՌԻԱ Նովոստիից։
Նշվում է, որ չվերթը վայրէջք է կատարել Վոլգոգրադում՝ ուղևորի առողջական վիճակի վատթարացման պատճառով։
«2023 թվականի օգոստոսի 27-ի SU1304 Մոսկվա-Միներալնիե Վոդի չվերթն իրականացնող ինքնաթիռը վթարային վայրէջք է կատարել Վոլգոգրադի օդանավակայանում՝ ուղևորի առողջական վիճակի վատթարացման պատճառով»,- հայտնել են ավիաընկերության մամուլի ծառայությունից։
Վայրէջքից հետո ուղևորը հանձնվել է բուժաշխատողներին։
Այլ մանրամասներ այս պահին չի հաղորդվում:
