Այսօր արդեն զգալի ծավալի ալյուր է մատակարարվել Ստեփանակերտի արտադրամասերին

Արցախի տեղեկատվական շտաբը հայտնում է, որ ԱՀ «Գյուղի և գյուղատնտեսության աջակցության հիմնադրամը» տեղեկացնում է․

«Պատկան մարմինների կողմից շարունակաբար գործադրվում են բոլոր ջանքերը վառելիքի և ցորենի ունեցած սուղ պաշարների պայմաններում բնակչության հացի կարիքը գոնե մասնակիորեն բավարարելու համար:

Ամենօրյա ռեժիմով հավաքագրվում են ցորենի պաշարներ և ստացված ալյուրը անմիջապես ուղղվում է հացի արտադրամասերին՝ ըստ ունեցած հնարավորությունների»:

Նշվում է, որ այսօր առավոտյան արդեն զգալի ծավալի ալյուր է մատակարարվել Ստեփանակերտի արտադրամասերին, իսկ մինչև օրվա վերջ կմատակարարվի այսօրվա և վաղվա հացի պահանջարկի շուրջ 70%-ի չափով ալյուր: Շրջաններում նույնպես համապատասխան աշխատանք է տարվում այդ ուղղությամբ: