Սխալների և վրիպումների հարցերով առաջատար ԵՄ բարձր ներկայացուցիչը Բորելն է․ ԶԼՄ
ԵՄ դիվանագիտության ղեկավար Ժոզեպ Բորելը պաշտոնավարման 4 տարվա ընթացքում մի շարք լուրջ դիվանագիտական սխալներ է թույլ տվել, այդ թվում՝ ՌԴ ԱԳ նախարար Սերգեյ Լավրովի հետ շփումներում։ Այս մասին գրում է ՌԻԱ Նովոստին` վկայակոչելով Politico պարբերականին։
«Եվրահանձնաժողովի արտաքին քաղաքական գերատեսչության ղեկավարի պաշտոնում, գրեթե 4 տարվա ընթացքում Ժոզեպ Բորելը դիվանագիտական խառնաշփոթ է ստեղծել` սխալներ Մոսկվայում, վրիպումներ Բրյուսելում և Twitter–ում»,– գրում է պարբերականը։
Վերլուծվելով դիվանագետի բոլոր սխալները` պարբերականը հեգնանքով նրան անվանում է սխալների և վրիպումների հարցերով առաջատար ԵՄ բարձր ներկայացուցիչ։
Թերթը նրա ամենալուրջ թերությունները համարում է Ուկրաինային կործանիչներ մատակարարելու գաղտնի ծրագրերի հրապարակային բացահայտումը մամուլին, որը ԵՄ պաշտոնյաների վրդովմունքի պատճառ էրհանդիսացել, գաղտնի փաստաթղթերի հրապարակումը Twitter–ում, ինչպես նաև ռասիստական և սեքսիստական հայտարարությունները։
Մասնավորապես, Բորելն իր թվիթներից մեկում ԵՄ–ից դուրս մնացած ողջ աշխարհն անվանել է ջունգլիներ, ինչպես նաև հայտարարել է, որ գոհ է, որ իսպանացի կին ֆուտբոլիստները սովորում են խաղալ այնպես, ինչպես տղամարդիկ։
