ԱՄՆ նախկին նախագահ Դոնալդ Թրամփին ազատության մեջ են թողել 200 հազար դոլար գրավի դիմաց։ Այս մասին հաղորդում է CNN-ը։

ԱՄՆ Ջորջիա նահանգի դատավորը, որը վարում է Դոնալդ Թրամփի՝ ընտրությունների արդյունքների ամփոփմանը միջամտելու փորձերի գործը, որոշել է նախկին նախագահին ազատության մեջ թողնել միլիարդատիրոջ համար ոչ մեծ՝ 200 հազար դոլար գրավի դիմաց: 

Նշենք՝ Թրամփը հերքում է այս գործով իրեն առաջադրված մեղադրանքները, ինչպես նաև իր դեմ հարուցված մյուս երեք քրեական գործերը: Որոշման մեջ ասվում է, որ Դոնալդ Թրամփը կարող է մինչև դատը ազատության մեջ մնալ այն պայմանով, որ նա չի փորձի սպառնալ վկաներին և հանցակիցներին:

Հավելենք, որ լրատվամիջոցները գրում են՝ Թրամփը որոշել է հանձնվել դատարանին՝ հանուն նախագահական ընտրություններում հաղթելու։