Արցախում անհետ կորած տղամարդը հայտնաբերվել է

Մարտակերտում կորած համարվող տղամարդը հայտնաբերվել է։ Այս մասին հայտնում է Արցախի ՆԳՆ մամուլի բաժինը։

«Ձեռնարկված օպերատիվ հետախուզական միջոցառումների արդյունքում, օգոստոսի 22-ին ժամը 08:30-ի սահմաններում վերջինս հայտնաբերվել է Մարտակերտ քաղաքի Սախարով փողոցի բնակելի շենքի տներից մեկում` ողջ ու առողջ վիճակում»,–ասված է հաղորդագրության մեջ։

Հավելենք, որ երեկ հայտնում էին, որ նա զբաղվում է անասնապահությամբ և կորած անասուններին փնտրելու նպատակով դուրս է եկել Մարտակերտ քաղաքի հարակից տարածքներ։

Հիշեցնենք՝ երեկ հայտնել էինք, որ Արցախի Հանրապետության Մարտակերտ քաղաքի 35-ամյա բնակիչ Ն.Մ.–ն օգոստոսի 19-ին տնից դուրս է եկել և չի վերադարձել։