Մեկանգամյա օգտագործման պլաստիկ տարաների վաճառքն արգելելու ենք. Շրջակա միջավայրի նախարար
2019 թվականի կարգավորումով 2022 թվականի հունվարի 1-ից ուժի մեջ մտավ կարգավորումն առ այն, որ արգելվում է պոլիէթիլենային տոպրակների մինչև 50 միկրոն հաստության վաճառքը: Այստեղ համայնքները որքան հնարավոր է վրահսկողություն իրականացրին, բայց սա ամբողջական արդյուք չտվեց: Այս մասին այսօր՝ օգոստոսի 3-ին, կառավարության հերթական նիստում ասաց Շրջակա միջավայրի նախարար Հակոբ Սիմիդյանը:
«Մենք հիմա նախագիծ ունենք, որով, ըստ էության, պոլիէթիլենային տոպրակների որևէ տեսակների վաճառքն ենք արգելելու։ Նաև մեկանգամյա օգտագործման պլաստիկ տարաների վաճառքն ենք արգելելու: Հուսամ՝ այս որոշումով կկարողանանք տոպրակների խնդիրը լուծել»,- ասաց Սիմիդյանը։
