Մադրիդում էկոակտիվիստներն իրենց սոսնձել են օդանավակայանի թռիչքուղուն՝ կաթվածահար անելով աշխատանքը

Futuro Vegetal շարժման էկոակտիվիստները սոսնձվել են Մադրիդի օդանավակայաններից մեկի թռիչքուղուն։ Այս մասին կազմակերպությունը հայտնել է Twitter-ի իր էջում, գրում է Газета-ն։

Նշվում է, որ երկու աղջիկ կարողացել են շրջանցել անվտանգությունը և դուրս գալ թռիչքուղի, որտեղ իսպանացիները ձեռքերը սոսնձել են ասֆալտին։ Այսպիսով, ըստ իրենց՝ ակտիվիստների, տեղանքում շարժը կաթվածահար է եղել։ 

Օդանավակայանի աշխատակիցները ստիպված են եղել ժամանակավորապես փակել տարածքը թռիչքների համար։ Աղջիկները ձերբակալվել են։ Այս պահին հայտնի չէ, թե ինչ պատիժ է սպառնում նրանց։ 

Իսպանիայում ընտրությունները տեղի կունենան հուլիսի 23-ին։ Դրանք հայտարարել է վարչապետ Պեդրո Սանչեսը խորհրդարանը ցրելու որոշումից հետո։ 

Ավելի վաղ Just Stop Oil-ի էկոակտիվիստները խափանել էին դասական երաժշտության փառատոնը Լոնդոնում։