Ճապոնական ծովում սկսվել են ռուս-չինական համատեղ զորավարժությունները
Ռուս-չինական ռազմածովային «Հյուսիս/Փոխգործակցություն-2023» զորավարժությունները մեկնարկել են Ճապոնական ծովում, հայտնել է Խաղաղօվկիանոսյան նավատորմը:
Ըստ նավատորմի շտաբի, «միջազգային ռազմական համագործակցության պլանի համաձայն՝ հուլիսի 20-ից հուլիսի 23-ը Ճապոնական ծովում անցկացվում է ռուս-չինական համատեղ ռազմածովային զորավարժություն «Հյուսիս/Փոխգործակցություն - 2023»:
«Զորավարժությունների հիմնական նպատակը Ռուսաստանի Դաշնության և Չինաստանի Ժողովրդական Հանրապետության միջև ռազմածովային համագործակցության ամրապնդումն է, Ասիա-խաղաղօվկիանոսյան տարածաշրջանում կայունության և խաղաղության պահպանումը»,- ասվում է հաղորդագրության մեջ։
Համատեղ գործողությունների ընթացքում կմշակվեն հակասուզանավային առաքելություններ և ռազմածովային մարտեր, նավերի ծովային և օդային ուղեկցում, նավերի հսկիչ և պաշտպանական ջոկատներ: Նախատեսվում է իրականացնել համատեղ հրետանային կրակոցներ։
