ՏԵՍԱՆՅՈՒԹ․ Օդեսան հարձակման է ենթարկվել․ նոր մանրամասներ
Ռուսաստանն այսօր՝ հուլիսի 19-ին, հարավից հարվածել է Ուկրաինային՝ օգտագործելով օդային, ցամաքային հրթիռներ, ինչպես նաև իրանական «Շահեդ-136/131» տիպի հարվածային անօդաչու թռչող սարքեր։ Այս մասին հայտնում է Tsn.ua-ն։
Ուկրաինայի Զինված ուժերի ռազմաօդային ուժերը հայտարարել են․ որ Ուկրաինայի հակաօդային պաշտպանության ուժերը 37 օդային թիրախ են խոցել, ընդ որում՝13 «Կալիբր» թևավոր հրթիռ, 1 X-59 կառավարվող օդային հրթիռ, 23 «Շահեդ-136/131» հարվածային անօդաչու թռչող սարք: Ենթադրվում է՝ հրթիռներն արձակվել են Սև ծովից։
«Հարձակման են ենթարկվել կրիտիկական ենթակառուցվածքային և ռազմական օբյեկտները: Հարվածի հիմնական ուղղությունը Օդեսայի շրջանն էր: X-22 և «Օնիքս» հրթիռներն ուղղված են եղել Օդեսայի շրջանի ենթակառուցվածքին»,- հայտնել են ռազմաօդային ուժերի հրամանատարությունից:
Al Jazeera-ն վկայակոչելով ԱՄՆ շտաբի պետի գեներալ Մարկ Միլին, գրում է՝ Ուկրաինայի հակահարձակումը հեռու է անհաջողությունից, բայց առջևում կռիվը երկար և արյունալի է լինելու։
Al Jazeera-ն հաղորդում է նաև, Ուկրաինայի ցամաքային զորքերի հրամանատար, գեներալ Օլեքսանդր Սիրսկի հայտարարությունը։
«Երկրի արևելքում իրավիճակը «բարդ է, բայց վերահսկելի»» ,- հայտարարել է Ուկրաինայի ցամաքային զորքերի հրամանատարը։
