ՏԵՍԱՆՅՈՒԹ․ Հրդեհ՝ Ղրիմի պոլիգոնում․ տարհանվում է ավելի քան 2000 մարդ

Ղրիմի ղեկավար Սերգեյ Ակսյոնովը Telegram-ի իր ալիքում գրել է հանրապետության Կիրովսկի շրջանի չորս բնակավայրերի բնակիչների ծրագրված տարհանման մասին։ Նշվում է, որ պատճառը զինամթերքով պոլիգոնում բռնկված հրդեհն է։

«Կիրովսկի շրջանի պոլիգոնին հարող տարածքից նախատեսվում է ժամանակավորապես տարհանել չորս բնակավայրերի բնակիչների՝ դա ավելի քան երկու հազար մարդ է», - ասվում է թերակղզու ղեկավարի հայտարարության մեջ: Նա հավելել է, որ արդեն օպերատիվ շտաբ է ստեղծվել, բոլոր համապատասխան ծառայությունները տեղում աշխատում են։ 

«Խնդրում եմ վստահել միայն ստուգված տեղեկատվության աղբյուրներին»,- ընդգծել է Ակսյոնովը։ 

Ավելի վաղ հաղորդվել էր, որ Ղրիմի Ալեքսեևկա գյուղի մոտ զինամթերքի պահեստ է բռնկվել։  Մինչ այդ Ղրիմի ղեկավար Սերգեյ Ակսենովը հայտարարել էր Տավրիդա մայրուղու արգելափակման մասին։ Նրա խոսքով, մայրուղին փակվել է Կիրովսկի շրջանի պոլիգոնում բռնկված հրդեհի պատճառով։ Այլ մանրամասներ նա չէր հայտնել։