«Վագների» առնվազն 2000 մարտիկ արդեն Բելառուսում է

«Վագների» խմբի առնվազն 2000 վարձկան արդեն ժամանել է Բելառուս։ Այս մասին հայտնում է  «Беларускі Гаюн» մոնիտորինգային խումբը թելեգրամյան իր ալիքում։

«Մենք ունենք տվյալներ, որ հուլիսի 11-ից ի վեր Պրիգոժինի վարձկանների առնվազն հինգ շարասյուն արդեն ժամանել է Բելառուս. սա առնվազն 382-400 մեքենա է, իսկ Բելառուսում վարձկանների թիվը, մեր հաշվարկներով, արդեն 2000-2500 մարդ է»,- նշվումէ տարածված հաղորդագրության մեջ։

Բացի դա, հաղորդվում է, որ միայն այսօր արդեն գրանցվել է երկու շարասյուների ժամանում, որոնցում եղել է 170-185 ավտոմեքենա։