Հյուսիսային Կորեան կրկին բալիստիկ հրթիռ է արձակել
Հյուսիսային Կորեան, ենթադրաբար, իրականացրել է ևս մեկ հրթիռային արձակում։ Այս մասին երեքշաբթի՝ հուլիսի 18-ին, հայտնել են Ճապոնիայի առափնյա պահպանության ծառայությունից։
Տարածաշրջանային լրատվամիջոցների փոխանցմամբ՝ բալիստիկ հրթիռն արձակվել է Ճապոնական ծովի ուղղությամբ։
Հրթիռի բնութագրերի և թռիչքի մասին տեղեկություններ դեռևս չեն տրամադրվել։ Չկա նաև մեկնարկի տեղեկատվության պաշտոնական հաստատում:
Ավելի վաղ Ճապոնիան, Հարավային Կորեան և ԱՄՆ-ն վարժանքներ են անցկացրել Ճապոնական ծովի միջազգային ջրերում, որոնց ընթացքում մշակվել են համատեղ գործողություններ ԿԺԴՀ-ից հրթիռի արձակման դեպքում։ Զորավարժություններին յուրաքանչյուր երկրից մասնակցել է մեկական կործանիչ Aegis բազմաֆունկցիոնալ մարտական համակարգով։
