![Ադրբեջանը հերթական ապատեղեկատվությունն է տարածում. ՀՀ ՊՆ](https://auroranews.am/storage/img/base_image/old/600e0afda06763cb1ad78d9967f709c9.webp)
Ադրբեջանը հերթական ապատեղեկատվությունն է տարածում. ՀՀ ՊՆ
![Ադրբեջանը հերթական ապատեղեկատվությունն է տարածում. ՀՀ ՊՆ](https://auroranews.am/storage/img/base_image/old/600e0afda06763cb1ad78d9967f709c9.webp)
ՀՀ պաշտպանության նախարարությունը հերքում է Ադրբեջանի տարածած հերթական հաղորդագրությունը։
«Ադրբեջանի պաշտպանության նախարարության տարածած հաղորդագրությունն այն մասին, թե իբր ժամը 13:50-17:00-ն ընկած ժամանակահատվածում ՀՀ ԶՈւ ստորաբաժանումները կրակ են բացել սահմանագոտու արևելյան և հարավարևելյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է»,– ասված է ՀՀ ՊՆ–ի հայտարարության մեջ:
Հիշեցնենք` պաշտպանական գերատեսչությունն ավելի վաղ հայտնել էր, որ այսօր առավոտյան՝ ժամը 05:30-ին, Ադրբեջանի ԶՈւ ստորաբաժանումները կրակ են բացել Տեղի հատվածում տեղակայված հայկական դիրքերի ուղղությամբ, ինչի հետևանքով վիրավորում է ստացել ՀՀ ԶՈւ զինծառայող Ե. Խ.-ն։ Ադրբեջանական զինուժը նույն ուղղությամբ կրակ է բացել նաև 12:10-ին։ Այդ կրակոցների հետևանքով վիրավորում է ստացել ՀՀ ԶՈւ զինծառայող Ն. Թ.-ն: Իսկ ժամը 13:40-13:50-ը տարբեր տրամաչափի հրաձգային զենքերից կրակել են Իշխանասարի հատվածում տեղակայված հայկական դիրքերի ուղղությամբ