«Իսկանդերի» օգտագործման ամբողջական իրավունքը մերն է, այդ զենքը մենք գնել ենք․ Սեյրան Օհանյան
«Իսկանդերի» օգտագործման ամբողջական իրավունքը մերն է, այդ զենքը մենք գնել ենք: Այս մասին 24TV-ի եթերում նշել է ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը։
Նրա պնդմամբ՝ իշխանության ամենակոպիտ սխալը պատերազմից առաջ հրամանատարներին փոխելն էր։ Ըստ Օհանյանի՝ եթե պատերազմի ժամանակ շտաբի պետ լիներ Մովսես Հակոբյանը, իսկ ՊԲ հրամանատար՝ Լևոն Մնացականյանը, ապա ամեն ինչ կարող էր այլ կերպ ավարտվել։
Հիշեցնենք՝ ԱԺ–ում 44-օրյա պատերազմի հանգամանքները քննող հանձնաժողովի նիստում վարչապետ Նիկոլ Փաշինյանը հայտարարեց, որ պատերազմի ընթացքում եղել են զինատեսակներ, որոնց հետ կապված իրավունքը լիարժեք ու ամբողջությամբ ՀՀ–ին չեն պատկանել։
