ՏԵՍԱՆՅՈՒԹ. Թուրքիայում տղամարդը քարի նետումով քանդել է փետրվարյան երկրաշարժից վնասված շենքը

Թուրքիայի Մալաթիա քաղաքի տեղաբնակ թուրք «Հերկուլեսը» քարի նետումով քանդել է փետրվարյան երկրաշարժից վնասված բնակելի շենքը։

Տեսանյութում երևում է, թե ինչպես է տղամարդը քար նետում վնասված շենքի վրա`  շենքը միանգամից փլուզվում է:

Հիշեցնենք՝ փետրվարի 6-ին` ժամը 05.17-ին, Թուրքիայի Ղահրամանմարաշ գավառում երկրաշարժ էր տեղի ունեցել, որն ավերածությունների էր հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ էր գրանցվել։ Էպիկենտրոնային գոտում ստորգետնյա ցնցման ուժգնությունը կազմել էր 10-11 բալ: Զոհվել է մոտ 51 հազար մարդ, ավելի քան 107 հազար բնակիչներ տարբեր աստիճանի վնասվածքներ են ստացել: